ПРОМЕНЛИВО ОБЛАЧНО, НО СО СОНЧЕВИ ПЕРИОДИ Студено утро, попладне температурите ќе растат

Променливо облачно време со сончеви периоди нè очекува во понеделник, а температурите во текот на денот ќе се движат од 18 до 26 степени.

Ќе дува слаб до умерен ветер од северен правец, додека утринските температури ќе бидат во интервал од 3 до 13 степени.

Најстудено ќе биде во Берово, каде што минималната температура ќе се спушти до 3 степени, додека најтопло ќе биде во Гевгелија со максимални 26 степени. Во Маврово дневната температура ќе достигне до 18 степени.

Во Скопје се очекува променливо облачно време со сончеви периоди и слаб до умерен северен ветер. Температурата ќе се движи од 9 до 25 степени.

Слично време според прогнозата на УХМР ќе има и во вторник и среда. Во двата дена се очекува променливо облачно со сончеви периоди и слаб до умерен ветер од северен правец.

Во вторник утринските температури ќе се движат од 4 до 13 степени, а дневните од 18 до 26 степени.

Во среда минималните температури ќе бидат од 4 до 14 степени, додека максималните дневни ќе достигнат од 18 до 26 степени.

Според прогнозата, во наредните денови не се очекуваат поголеми промени во временските услови, а температурите ќе останат во сличен интервал.