ПРОФЕСИОНАЛНОСТА И ПОСВЕТЕНОСТА СЕ КЛУЧНИ ЗА БЕЗБЕДНА МАКЕДОНИЈА Премиерот присуствуваше на одбележувањето на Денот на АНБ

Премиерот Христијан Мицкоски вечерва присуствуваше на свеченото одбележување на Денот на Агенцијата за национална безбедност (АНБ), при што упати честитки до припадниците на институцијата и ја истакна нивната улога во заштитата на националните интереси и безбедноста на граѓаните.

Мицкоски посочи дека во услови на сложени безбедносни предизвици, од особено значење е професионалното и одговорно работење на институциите.

– Во време на сложени безбедносни предизвици, од особено значење се професионалноста, посветеноста и континуираното јакнење на институциите – порача Мицкоски.

Тој им упати честитки на сите припадници на АНБ за нивната работа и ангажман во исполнувањето на задачите поврзани со националната безбедност.

– На сите припадници на АНБ им упатувам честитки за нивната работа и им посакувам успешно исполнување на мисијата во интерес на стабилна, безбедна и просперитетна Македонија – наведе премиерот.

Свеченото одбележување на Денот на АНБ беше посветено на улогата, одговорноста и професионалниот ангажман на припадниците на Агенцијата во заштитата на националните интереси и безбедноста на граѓаните.

Мицкоски во објавата не соопшти дополнителни детали за конкретните безбедносни предизвици со кои се соочува земјата, ниту за идните активности и приоритети на АНБ.