НОВИ СПОРТСКИ ТЕРЕНИ ЗА СРЕДНОШКОЛЦИТЕ ВО СКОПЈЕ Подлогата е од тип што се користел на Олимписките игри во 2024 година
Новите терени имаат издржливи полипропиленски подови, за кои градоначалнокот вели дека се од тип користен и на Олимписките игри во 2024 година. Градоначалникот најави продолжување на инвестициите во спортската инфраструктура.
Градоначалникот на Скопје, Орце Ѓеоргиевски, преку објава на Фејсбук информираше за новите спортски терени наменети за средношколците. Тој истакна дека создавањето современи и безбедни услови за спорт е важна инвестиција во младите.
„Посебна гордост е кога визијата што ја имаме за младите добива вистинска форма и станува реалност“, напиша Ѓорѓиевски.
Градоначалнкот посочи дека новите терени се изведени со висококвалитетни и издржливи полипропиленски подови, од ист тип како оние што се користеле на Летните олимписки игри во 2024 година, што овозможува поголема безбедност и професионални услови за тренинг, игра и натпреварување.
Ѓеорѓиевски нагласи дека спортот создава дисциплина, самодоверба, истрајност, тимски дух и силен карактер, поради што, како што наведува, ќе продолжи развојот и унапредувањето на спортската инфраструктура во училиштата и низ целото Скопје.