ПЕЗЕШКИЈАН АПЕЛИРА ЗА КРАЈ НА ВОЈАТА СО САД Иран да ја искористи силната позиција
Подобро е да ѝ ставиме крај на војната сега, додека сме во силна позиција и со зачувано достоинство, односно додека целиот свет ја признава нашата победа, порача иранскиот претседател Масуд Пезешкијан.
Време да се стави крај на војната со САД додека Иран се наоѓа во силна позиција, порача иранскиот претседател Масуд Пезешкијан.
– Подобро е да ѝ ставиме крај на војната сега, додека сме во силна позиција и со зачувано достоинство, односно додека целиот свет ја признава нашата победа и нагласува дека САД ги напаѓаат нашите училишта, болници и инфраструктура, прекршувајќи ги сите правила – изјави Пезешкијан за време на средбата со медицински работници.
Воениот конфликт меѓу САД и Иран почна на 28 февруари со американско-израелски напади врз Исламската Република, на кои Техеран одговори со ракетни и воздушни удари врз Израел и врз американските бази во регионот на Блискиот Исток.
На 7 април беше договорен прекин на огнот, а во јуни Вашингтон и Техеран потпишаа меморандум за решавање на конфликтот. Сепак, договорот во меѓувреме се распадна, па на 7 јули борбените дејства беа повторно обновени.
Преговорите за траен мир оттогаш се наоѓаат во застој, а едно од главните спорни прашања останува Ормускиот Теснец – Иран инсистира на укинување на американската блокада и на санкциите, додека Вашингтон бара целосно слободна пловидба низ овој стратешки поморски пат.