📽️ ПЕКОЛОТ СЕ ШИРИ КОН МАДРИД, ГРАЃАНИТЕ ДОБИЛЕ СМС-ПРЕДУПРЕДУВАЊЕ Наредени се итни евакуации, се вклучи и војската
Шумскиот пожар што избувна во покраината Толедо се прошири кон Мадрид, поради што властите наредија евакуации, изолација на населени места и ангажирање на Воената единица за вонредни состојби.
Шумскиот пожар што избувна попладнево во шпанската покраина Толедо се прошири и на територијата на Мадрид, поради што властите презедоа итни мерки за заштита на населението. Регионалната агенција за безбедност и итни случаи на Мадрид (ASEM112) испрати предупредувања до граѓаните преку системот „ES-Alert“, наредувајќи евакуација и останување во домовите во најзагрозените подрачја.
Првото предупредување било испратено околу 19 часот, откако пожарот се проширил од местото Алморокс во покраината Толедо. Евакуирана е населбата Ел Енсинар дел Алберче, со околу 1.200 жители, додека на жителите на општината Виља дел Прадо, која има околу 7.700 жители, им било наредено да останат во своите домови.
Spain is on Fire now? Don’t win the Cup…
SPAIN 🇪🇸 Wildfire scorches 26,000 hectares (65,000 acres) north of Madrid. pic.twitter.com/BfUts2u1bx
— ❤️🔥ZeroSympathy❤️🔥 (@ZeroSympathy76) July 20, 2026
Околу 20:30 часот следувало ново предупредување, со кое жителите на населбите Рибера дел Алберче, Ринкон дел Алберче и блискиот камп биле повикани да се засолнат во внатрешноста на местото Алдеа дел Фресно.
На жителите на Виља дел Прадо им било наредено до понатамошно известување да не ги напуштаат домовите и да ги држат затворени прозорците и вратите, додека на граѓаните кои се евакуираат им било препорачано да бидат особено внимателни поради многу слабата видливост предизвикана од густиот чад.
Владата на автономната заедница Мадрид го активираше второто ниво од Планот за заштита од шумски пожари, кое се прогласува кога огнената стихија претставува закана за населени места.
🚨 La @ComunidadMadrid activa la Situación Operativa 2 del Plan de Protección Civil ante Incendios Forestales #INFOMA26 por el incendio forestal en Almorox, Toledo.
Se ha evacuado la Urbanización El Encinar del Alberche y el municipio de Villa Del Prado se ha confinado.
Hasta… pic.twitter.com/MZTDBG7bSf
— 112 Comunidad de Madrid (@112cmadrid) July 22, 2026
Ова ниво предвидува можност за задолжителна евакуација или изолација на населбите, ангажирање државни ресурси, вклучително и Воената единица за вонредни состојби (UME), како и користење на системот за масовно предупредување на населението.
Планот бил активиран откако службата за гаснење шумски пожари на Кастиља-Ла Манча (Infocam) го затворила магистралниот пат „N-403“ кон Толедо поради ширењето на пожарот.
На терен моментално се ангажирани 19 копнени и воздушни екипи составени од пожарникари, шумски пожарникари и шумарски служби од Мадрид, а поради опасноста е затворен и патот М-507 во правец на Навалкарнеро.
600 pompiers et militaires ont été mobilisés pour venir à bout de ce feu complexe qui s’est déclenché le 16 juillet dans une zone aride, à une centaine de kilomètres au nord de Madrid. pic.twitter.com/cJ3hIrfmSm
— franceinfo (@franceinfo) July 22, 2026
Регионалните власти потврдија дека во акцијата за гаснење се вклучила и Воената единица за вонредни состојби, која ќе воспостави команден центар во зоната на пожарот.
Техничарот за шумски пожари од Кастиља-Ла Манча, Алфонсо Дијаз Нието, изјави дека пожарот уште од самиот почеток претставувал сериозна закана за населените места.
Според него, огнот зафатил густа борова шума, се проширил кон крошните на дрвјата и се доближил до повеќе населби, поради што веднаш биле воведени мерки за заштита на населението, вклучително и евакуација и изолација на одделни места.
Тој додаде дека службите од Кастиља-Ла Манча и Мадрид заеднички работат на локализирање на пожарот, бидејќи огнената стихија се наоѓа на границата меѓу двете автономни заедници.