ТРАМП ПОБАРА НАДОМЕСТ ОД 20% ЗА СЕКОЈ БРОД ШТО ЌЕ ПОМИНЕ НИЗ ОРМУЗ Цената на нафтата вртоглаво скокна

Цените на  нафтата пораснаа утрово за дополнителни 3% откако претседателот на САД  Доналд Трамп повторно воведе блокада на иранските бродови што транзитираат низ Ормускиот Проток и објави дека целиот друг товар што минува низ водниот пат ќе треба да плаќа надомест на САД.

Цената на нафтата Брент се искачи на околу 85, 6 долари за барел утрово, а американската WTI нафта порасна на 80,5  долари за барел со што добивката на двата типа нафта за оваа недела достигна повеќе од 10%.

Блокадата, како што е најавено, треба да стапи на сила денес во 16 часот по источно време.

Трамп повика на надомест од 20% за товарот, велејќи дека САД треба да бидат компензирани од земјите што имаат корист од нивните напори за обезбедување на Протокот, вклучувајќи ги Саудиска Арабија, Обединетите Арапски Емирати, Катар, Бахреин и Кувајт.

Мерките следеа по обновените непријателства меѓу Вашингтон и Техеран, при што САД се обидоа да ја ограничат способноста на Иран да го попречува поморскиот превоз, додека Техеран одговори со таргетирање на американските сојузници во регионот.

Одделно, Трамп рече дека ќе го поддржи законот за санкции против Русија, со кој ќе се казнуваат тие што купуваат руска нафта и природен гас.