СТАНЕТЕ И ПРОШЕТАЈТЕ СЕ НА СЕКОЈ СААТ ВРЕМЕ Оваа мала навика може да го намали ризикот од рак, покажува истражувањето
Секој час континуирано седење во текот на денот е поврзан со девет проценти поголем ризик од смрт од рак. Не е проблемот само во тоа колку седиме вкупно, туку особено колку долго седиме без пауза, се резултатите од истражување спроведено на повеќе од 91.000 учесници
Станувањето од вашата маса секој час и кратка прошетка или истегнување може значително да го намали ризикот од рак, според неодамнешна студија објавена во списанието PLOS Medicine.
Според резултатите, секој час континуирано седење во текот на денот е поврзан со девет проценти поголем ризик од смрт од рак. Не е проблемот само во тоа колку седиме вкупно, туку особено колку долго седиме без пауза.
– Нашите резултати покажуваат дека влијанието на седечкото однесување врз здравјето зависи не само од вкупното време поминато во седење, туку и од тоа дали тоа време се поминува во долги, непрекинати периоди или е прекинато со движење – истакнаа истражувачите предводени од Фредерик Хо, виш предавач по јавно здравје на Универзитетот во Глазгов во Обединетото Кралство.
Истражување
За студијата, научниците анализирале податоци од повеќе од 91.000 учесници од големата британска база на податоци UK Biobank. Сите учесници носеле уреди за следење на активностите една недела за да ги евидентираат своите дневни движења, а потоа биле следени околу 12 години. Резултатите покажале дека луѓето кои поминуваат многу време седејќи без да станат имаат поголем ризик од развој на рак или смрт од рак, особено од ракови кои често се поврзани со дебелина и дијабетес тип 2.
Но, добрата вест е дека дури и кратките паузи од седењето можат да имаат позитивен ефект.
Мали промени, големо влијание
Добрата вест е дека не треба драстично да ги менувате вашите навики за да го намалите ризикот. Истражувачите откриле дека замената на само еден час континуирано седење дневно со лесна физичка активност, како што е кратка прошетка или истегнување, може да го намали ризикот од смрт од рак за 12 проценти. Научниците објаснуваат дека ова откритие има и биолошка основа. Претходните истражувања покажаа дека кратките периоди на движење што го прекинуваат продолженото седење ги подобруваат метаболичките реакции на телото во споредба со седењето без прекин.
Како да го прекинете долготрајното седење?
Не мора веднаш да скокнете на напорен тренинг. Наместо тоа, можете да започнете со следново:
Станувајте на секој час и одете по неколку минути
Правете неколку едноставни истегнувања
Одете напијте се вода наместо да ја чувате чашата на вашата маса
Правете некои од вашите телефонски повици додека стоите или одите.