СЕДИ КАЈШТО СИ, ТОАЛЕТОТ САМ ДОАЃА Кинески робот со вештачка интелигенција менува една секојдневна навика
Кинеска компанија претстави роботска ВЦ-шолја за лица со намалена подвижност. Сјаобан самостојно се движи низ домот и се враќа на полнење и на чистење.
ВЦ-шолја што сама доаѓа до корисникот, ги избегнува пречките и сама се чисти по употребата беше претставена на саем во Шангај. Кинеската компанија Џуебан го претстави Сјаобан, роботски тоалет наменет за лица со инвалидитет и за луѓе со ограничена подвижност.
Иновативниот уред користи вештачка интелигенција и 3Д систем за навигација, што му овозможува самостојно да се шета низ домот и да стигне до корисникот кога е потребно.
ВЦ-школка на тркала
Сјаобан е замислен како помошно средство за луѓе на кои им е тешко да стигнат до класичен тоалет.
Благодарение на системот за избегнување препреки, роботската ВЦ-шолја може безбедно да се движи низ просториите и да стигне до корисникот без туѓа помош.
По завршувањето на употребата, уредот автоматски го активира ЛИДАР-системот и самостојно се враќа до докинг-станицата.
Сама се празни и се чисти
Докинг-станицата е поврзана со водоводната и со канализациската мрежа во домот. Отпадот автоматски се испушта преку тивка дробилка, која помага да се намали ризикот од затнување.
Потоа започнува целосен процес на самочистење. Вградени млазови со вода под висок притисок и УВ-светлина ја дезинфицираат површината и ја подготвуваат за следната употреба.
За дополнителна хигиена, уредот има систем за отстранување на непријатни мириси. Заштитна пена и филтри со активен јаглен помагаат воздухот да остане свеж.
Цена од 13.000 долари
Според достапните информации, роботскиот тоалет веќе се продава во Кина по цена од околу 13.000 долари.
Засега не е познато дали и кога Сјаобан ќе се појави на пазарите надвор од Кина.