АМЕРИКАНСКАТА КОМПАНИЈА „МАРС“ ГО ШИРИ ПРОИЗВОДСТВОТО ВО РУСИЈА Новиот погон ќе биде готов следната година

Американската компанија „Марс“ планира да го прошири погонот во рускиот  град Ступино до 2027 година. Се очекува производствениот капацитет на фабриката да се зголеми на речиси 500 тони слатки дневно.

-Фабриката за слатки на „Марс“ ќе биде проширена со нов производствен погон кој ќе се простира на повеќе од 26.000 квадратни метри. Во објектот ќе бидат сместени линии за производство и пакување чоколади и слатки. Компанијата ќе изгради проширување на постојната фабрика во Ступин –  велат од рускиот државниот орган за надзор на градежништвото.

Во новата зграда, компанијата планира да започне со три производствени линии. Две ќе произведуваат 216 тони чоколадо дневно, а третата ќе произведува до 67 тони слатки дневно. Изградбата треба да биде  завршена во јуни 2027 година.

Фабриката ја гради „Марс ДОО“, руската подружница на американската група за храна. Точниот износ на инвестицијата не е прецизиран.

Групацијата „Марс“ работи на рускиот пазар од 1991 година, кога ја основа подружницата „Мастер Фудс“, која продаваше слатки, како што се бомбони M&M и чоколади „Марс“ и „Сникерс“, и храна за домашни миленици, како што се „Вискас“ и „Педигри“.

Во 1995 година, првиот производствен комплекс на компанијата беше отворен во малото гратче Ступино, околу сто километри јужно од Москва, а компанијата беше преименувана во „Марс ДОО“. Покрај фабриката во Ступин, компанијата има производствени капацитети и во градот Луховица, исто така во Московската област, во Новосибирск и во Уљановската област.