ИЗЛЕТАЛА ОД ПАТОТ СО ВОЗИЛО, ПА СЕ ПРЕВРТЕЛА Тешко повредена жена итно пренесена во болница
Возило „фиат“ излетало од експресниот пат А2 кај селото Петралица и се превртело, при што 32-годишна жена од Крива Паланка се здобила со тешки повреди.
Жена е тешко повредена во сообраќајна несреќа што се случила на експресниот пат А2, во близина на селото Петралица, во општина Ранковце.
Според информациите, несреќата се случила околу 16:30 часот кога патничко возило „фиат“ со кривопаланечки регистарски ознаки, управувано од 32-годишната А.Ц.М. од Крива Паланка, излетало од коловозот и се превртело.
Можеби ќе ве интересира
Во несреќата возачката се здобила со тешки телесни повреди, кои биле констатирани во Општа болница Куманово.
По наредба на јавен обвинител, увид на местото на несреќата извршила екипа од полицијата, а причините за излетувањето од патот се утврдуваат.