ШТО ДА ПРАВИМЕ СО ВЕЛИГДЕНСКИТЕ ЈАЈЦА? Еве како да ги искористите преостанатите варени празнични јајца
Велигденските празници завршија и на сите ни останаа барем по неколку варени јајца во кујната. Еве неколку идеи како да ги искористите на повкусен начин.
За Велигден сите знаеме малку да претераме со варените јајца и иако секогаш ни се чини дека сме бојадисале премалку, редовно ни остануваат толку многу што не знаеме како да ги дојадеме.
Секоја година наоѓаме нови и интересни рецепти за тоа како да ги искористите јајцата што ви останале, а тоа да бидат разновидни, здрави, вкусни и пред се, едноставни оброци.
Еве неколку предлози:
Пилешка салата
Состојки:
зелена салата
300 г варено бело месо
2 тврдо варени јајца
За преливот:
2 чаши јогурт
1 лажица сенф
Половина лажица суви зачински билки
2 лажици мајонез
Приготвување:
Добро измешајте ги состојките за преливот. Измијте ги листовите зелена салата и исечкајте ги во сад за салата. Одозгора ставете сечкано бело месо и јајцата исечени на тркалца. Прелијте ја салатата со подготвениот прелив.