ДАЛИ ЈАГЛЕХИДРАТИТЕ НАВИСТИНА ДЕБЕЛЕАТ? Оваа намирница е често критикувана, но не сосема оправдано
Некои луѓе се чувствуваат подобро со помал внес на јаглехидрати, додека други функционираат без никакви проблеми со исхрана богата со јаглехидрати од нутритивно вредни намирници. Всушност, многу од најздравите намирници во светот се богати со јаглехидрати.
Во последниве години, јаглехидратите добија репутација како речиси најголем непријател на здравата исхрана. Од леб и тестенини до компири и ориз – многумина ги избегнуваат од страв да не се здебелат или да имаат лош ефект врз нивното здравје. Но, вистината е многу посложена.
Иако циркулираат многу информации за јаглехидратите, важно е да се запомни дека не се сите јаглехидрати исти. Постојат многу различни видови намирници што содржат јаглехидрати и тие можат да се разликуваат по нивното влијание врз здравјето.
„Едноставни“ и „сложени“ јаглехидрати
Јаглехидратите често се делат на „едноставни“ и „сложени“ или „цели“ и „рафинирани“. Целосните јаглехидрати се оние кои се минимално преработени и содржат влакна кои природно се наоѓаат во храната, додека рафинираните јаглехидрати се оние кои поминале низ процес на преработка за време на кој природните влакна се отстранети или изменети.
Целите јаглехидрати вклучуваат зеленчук, киноа, јачмен, мешунки, компири, интегрални житарки, овес и грав. Од друга страна, рафинираните јаглехидрати вклучуваат пијалаци со шеќер, бел леб, печива и други производи направени од бело брашно, пишува Healthline.
Иако рафинираните јаглехидрати навистина можат да бидат здравствен проблем во прекумерни количини, бројни студии покажуваат дека јаглехидратите од интегралните намирници се важен дел од балансираната исхрана. Всушност, многу од најздравите намирници во светот се богати со јаглехидрати.
9 причини зошто не треба да се плашите од „добрите“ јаглехидрати. Повеќе за ова прочитајте ТУКА.