НАЈГОЛЕМАТА КРИЗА ШТО ЈА ПАМЕТИ НАШАТА ГЕНЕРАЦИЈА Пленковиќ со црна прогноза, најави мерки за ублажување
Премиерот на Хрватска оцени дека енергетската криза предизвикана од војната на Блискиот Исток може да потрае со оглед на тоа што ситуацијата ескалирала со нападот на Израел врз нафтеното поле Јужен Парс и одмаздата на Иран против енергетските објекти низ Заливот. Пленковиќ исто така верува дека енергетската криза ќе биде поизразена од онаа предизвикана од агресијата на Русија врз Украина.
Хрватскиот премиер Андреј Пленковиќ денеска изјави дека светот е на почетокот на она што е веројатно „најголема енергетска криза која ја памети нашата генерација“. Тој им рече на новинарите дека владата на земјата ќе ги искористи сите алатки што ѝ се на располагање за да ја ублажи таа состојба, пишува Индекс.
Пленковиќ, исто така, оцени дека енергетската криза предизвикана од војната може да потрае, со оглед на тоа што ситуацијата ескалирала со нападот на Израел врз нафтеното поле Јужен Парс и одмаздата на Иран против енергетските објекти низ Заливот.
– Доколку полиња и рафинерии бидат погодени, тогаш времето потребно за враќање во состојбата на нормализација ќе потрае подолго. Затоа таа проценка на Меѓународната агенција за енергија е многу сериозна.
Премиерот на Хрватска исто така верува дека енергетската криза ќе биде поизразена од онаа пред четири години, имено онаа предизвикана од агресијата на Русија врз Украина, и посочи дека ова е ненадејно и големо зголемување на цените на енергенсите што нужно бара владини мерки.