📽️ БЕЛАТА КУЌА ОБЈАВИ КОНТРОВЕРЗНО ВИДЕО Со неколку твитови не се добива војна, порача ирански функционер
Белата куќа објави анимирани видеа што прикажуваат напади врз ирански цели, комбинирани со елементи од видео игри и симулации. Иранскиот функционер Али Лариџани возврати со порака до Трамп дека војна „не се добива со неколку твитови“.
Белата куќа објави контроверзно анимирано видео на својот официјален профил на платформата Икс. Во снимката се прикажуваат напади врз цели во Иран, комбинирани со елементи од видео игри.
Видеото трае 52 секунди и е објавено со кратката порака „НЕПОРАЗЕНИ“. Во него се прикажуваат сцени што наликуваат на воени симулации и снимки од напади.
UNDEFEATED. pic.twitter.com/Jt69bcag5y
— The White House (@WhiteHouse) March 12, 2026
Претходно истиот ден беше објавено уште едно слично видео. Тоа користи метафора од куглањето. Ирански функционери се прикажани како клинчиња, додека топка со боите на американското знаме ги урива. На крајот се појавува снимка од ракета со натпис „УДАР“.
STRIKE. 💥🦅 pic.twitter.com/XMzNNtlT63
— The White House (@WhiteHouse) March 12, 2026
Според официјалните информации, овие видеа се дел од операцијата „Епски бес“.
Целта на операцијата, според американските изјави, е уништување на ракетниот арсенал и морнарицата на Иран и спречување на развој на нуклеарно оружје.
Oд друга страна, советникот за национална безбедност на Иран Али Лариџани жестоко реагираше на видеата и на скорешните изјави на американскиот претседател Доналд Трамп кој често изјавува дека САД ги уништиле речиси сите бродови и авиони на Иран и дека војната наскоро ќе заврши.
„Трамп бара брза победа, но војната не може да се добие со неколку твитови“, напиша Лариџани на социјалните мрежи.
Trump says he is looking for a speedy victory. While starting a war is easy, it cannot be won with a few tweets. We will not relent until making you sorry for this grave miscalculation. #TrumpMustPay
— Ali Larijani | علی لاریجانی (@alilarijani_ir) March 12, 2026
Тој додаде дека Иран нема да се повлече.
„Нема да застанеме додека не се покаете за оваа сериозна грешка во пресметката“, порача Лариџани.
Истиот функционер претходно го предупреди Трамп да „внимава да не биде елиминиран“, по серијата закани што американскиот претседател ги упати кон иранското раководство.