И МАЖИТЕ САКААТ СИЛИКОНИ Бугарскиот шоумен Азис си вградил по 300 кубици силикон во секоја града
Бугарскиот пејач и шоумен познат како Азис сподели на Инстаграм повеќе фотографии од својот естетски зафат со кои вградил по 300 кубни сантиметри силиконски импланти во двете гради. „Уште се отечени, ама наскоро ќе бидат топ“, се пофали Азис.
Бугарскиот пејач Васил Тројанов Бојанов, попознат како Азис, повторно успеа да ја шокира и интригира јавноста.
Познат по својот ексцентричен изглед, смели модни изјави и постојани физички трансформации, кралот на чалгата овојпат отиде чекор понатаму – тој се подложи на естетска процедура која треба дополнително да го истакне неговото торзо.
Тој без двоумење ги сподели резултатите од операцијата со своите следбеници на Инстаграм.
View this post on Instagram
Во серија фотографии, Азис позира во долна облека, покажувајќи го својот новоопериран граден кош. Отокот и завоите се видливи, а пејачот не се обидел да скрие ништо, туку отворено зборува за процедурата и процесот на закрепнување.
– Еве ги градите што ќе бидат готови за покажување за еден месец. Но, немам трпение. Моментално се отечени и многу неприродни, но наскоро ќе бидат одлични – напиша тој во описот на објавата и му се заблагодари на својот лекар.
View this post on Instagram
Според достапните информации, на Азис му се вградени вкупно 600 кубни сантиметри машки силиконски импланти – по 300 во секоја града – за да се постигне дефиниран и нагласен, таканаречен спортски изглед на градите.
Инаку, Азис неодамна се оженил со својот партнер во Америка.