КУБА Е БАНКРОТИРАНА, НО ВОЈНА НЕ Е РЕШЕНИЕ Трамп повикува на договор, ако не следат санкции
Американскиот претседател ја повика Куба на договор, но порача дека воена интервенција „не е потребна“.
Претседателот на САД, Доналд Трамп, синоќа ја повика Куба да склучи договор со Вашингтон, но ја отфрли можноста за воена операција за соборување на режимот во Хавана.
– Куба во моментот е банкротирана држава – изјави Трамп.
На прашањето дали САД би можеле да ја соборат кубанската влада, како што, според неговите зборови, постапиле со Венецуела на почетокот на јануари, кога беше заробен претседателот Николас Мадуро, Трамп одговори: „Не мислам дека тоа би било потребно“.
Поради долгогодишното американско ембарго и дополнително заострените мерки во последниот период, Куба се соочува со сериозен недостиг на гориво и чести прекини во електроснабдувањето.
Трамп најави дека Хавана повеќе нема да добива нафта од Венецуела и им се закани на други држави, пред сè на Мексико, со зголемување на царините доколку извезуваат нафта за Куба.
Недостигот на гориво тој го оцени како „хуманитарна закана“.