ГО ФАТИЛЕ СО ПОЛОВИНА ТОН НАФТА ВО КОЛАТА!? Ја носел во туби

Во село Пепелиште, неготинско, вчера попладнето полициски службеници од Мобилната единица за компензаторни мерки при Одделот за гранични работи и миграции го лишија од слобода О.П. (51) од Пепелиште, соопшти МВР.

При контрола на патничко возило „ровер фрилендер“ со велешки регистарски ознаки, кое тој го управувал, биле пронајдени и одземени 25 туби со по 20 литри нафта за кои возачот не поседувал соодветна документација.

О.П. е задржан во Полициската станица Неготино, а по целосно документирање на случајот, против него ќе следува соодветен поднесок.