ОД ДРАГИ ПРИЈАТЕЛИ ДО НАВОДНИ ЉУБОВНИЦИ Ким Кардашијан и Луис Хамилтон, најновиот пар во светот на славните
Изгледа дека Ким Кардашијан и Луис Хамилтон се навистина најновиот пар во светот славните, ако се земат предвид заедничките романтични вечери, масажи и патувања.
Сѐ поизвесно е дека врската помеѓу тркачот од Ф1 Луис Хамилтон и могулот за убавина Ким Кардашијан, се крева на следно ниво, односно, во вистинска романса, по нивното долгогодишно пријателство, кое се чини дека започнало пред повеќе од една деценија.
Имено, извештаите на медиумите за нивните први видувања датираат од 2014 година, кога и двајцата присуствувале на многу исти настани.
Така, уште во 2014 година, додека Ким Кардашијан беше во брак со Канје Вест, а Луис Хамилтон беше во врска со Никол Шерцингер, двата пара биле забележани како се дружат и позираат на холивудски настани поради музичката позадина на нивните партнери.
Тие биле забележани на исти свирки повеќе пати, а имале и заеднички пријатели, па биле фотографирани заедно во многу прилики.
За време на празниците во 2015 година, спортистот бил виден како се дружи со кланот Кардашијан-Вест во текот на целиот Велигденски период, вклучувајќи и забави со други блиски пријатели и членови на семејството, на исклучително приватен бранч.
Често биле гледани и на Неделата на модата во Париз, со колеги, познати личности од високата класа, но немаше гласини за нешто повеќе.
Сега, многу години подоцна, кога и двајцата не се повеќе со своите поранешни партнери, а Ким има четири деца со својот поранешен сопруг од кој се разведе во 2021 година, двајцата беа забележани на новогодишната забава на Кејт Хадсон во Аспен, Колорадо, за да го одбележат почетокот на новата година.
Потоа „The Sun“ објави дека имале романтично бегство во Париз, за подоцна да биде објавено дека заедно отишле и во некое помало место во Велика Британија. Од масажа во парови до приватна вечера, се чини дека тој направил сè што може за Ким да се чувствува добредојдена. И конечно, тука е моментот кога Ким Кардашијан и Луис Хамилтон се фотографирани заедно за прв пат кога пристигнуваат во Естел Манор, каде што се тврди дека уживале во „тајна романса“.
Останува да видиме како ќе се развива понатаму оваа врска во свет во кој тие мораат да внимаваат на секој свој чекор.