📽️ ПРОЕКТИ ЗА 3 БРАНИ, 2 ГАСНИ КОНЕКТОРИ, СТАБИЛНА ЕНЕРГИЈА ЗА ДАТА-ЦЕНТРИ Мицкоски во Давос објасни што ја прави Македонија привлечна за вложување
Ќе го зголемиме капацитетот на гас до 8 милијарди кубни метри годишно. За вештачката интелигенција се потребни дата центри со одржливо снабдување со енергија, вели премиерот пред инвеститорите во Давос спомнувајќи и три големи проекти за хидроенергија на Црна Река вредни 2 милијарди евра.
Mакедонија интензивно работи на проекти во енергетиката, чекори што ќе придонесат за развојот на вештачката интелигенција и за долгорочен развој на државата. Вака изјави премиерот Христијан Мицкоски на средба со инвеститори во Давос.
Одговарајќи на прашањата која е стратегијата на Македонија за привлекување директни инвестиции, наспроти соседи како Хрватска и Словенија, Мицкоски одговори:
– Ги градиме преносните линии на електрина енергија, но и на гасни конектори со Грција и со Србија. Ќе го зголемиме капацитетот на гас до 8 милијарди кубни метри годишно. За вештачката интелигенција се потребни дата центри со одржливо снабдување со енергија. Ова е само еден пример. Како влада, го примаме целиот институционален ризик. Ова е нешто што можеме да им го обезбедиме како поттик на инвеститорите.
На снимката која ја сподели Мицкоски тој зборува за гасните контектори со Грција и со Србија како клучни проекти, заедно со изградбата на три големи брани.
– Зборуваме за три големи проекти вредни 2 милиајрди евра. Тие се стратешки важни не само за нас, туку за целиот регион. Тие ќе обезбедат резервоари со многу чиста вода за пиење. Имајќи ги предвид климатските промени, мислам дека регионот ќе има сè поголема потреба од вакви резерви. И двата се дел од каскада која се потпира на Црна Река. Низводно од таа каскада имаме најдобро земјоделско земјиште во цела Европа. Тој регион е познат како Тиквешки регион – вели Мицкоски.