ПРОПАДНА МИЛИОНСКИОТ ТРАНСФЕР НА СТРЕЛЕЦОТ НА ВАРДАР? Мато е врзан со договор со шкотски Хартс
Имаме потпишан договор со играчот и сме опуштени во врска со ситуацијата, изјави портпаролот на клубот од Единбург. Истовремено, весникот „Хартс Стандард“ пренесе дека портпаролот на Спортинг Канзас Сити потврдил дека Американците се повлекле од преговорите.
Шкотскиот клуб Хартс вечерва одговори дека не се грижи за објавата на скопски Вардар дека прифатил понуда од американскиот Спортинг Канзас за продажба на напаѓачот Роџерс Мато. Иако Вардар ја нарече зделката „милионски трансфер“, Хартс тврди дека играчот веќе има потпишано преддоговор со нив и во јули ќе стане нивен фудбалер без обесштетување.
Хартс минатата недела понудил 300.000 фунти за да го добие Мато уште сега, но понудата била одбиена.
– Имаме потпишан договор со играчот и сме опуштени во врска со ситуацијата– изјави портпаролот на клубот од Единбург.
Истовремено, „Хартс Стандард“ пренесе дека портпаролот на Спортинг Канзас Сити потврдил дека Американците се повлекле од преговорите.
„Го разгледувавме трансферот на Роџерс Мато, но тој одлучи да потпише преддоговор со Хартс. Му посакуваме сè најдобро во иднина“, стои во соопштението.
ВАРДАР ПРИФАТИ МИЛИОНСКА ПОНУДА, МАТО ЗАМИНУВА Стрелецот ќе трча за Спортинг Канзас Сити во САД