ФИЛМСКО БЕГСТВО ОД ЗАТВОР ВО МИЛАНО Полицијата е изненадена како сѐ му одело од рака

Затвореник од албанско потекло, на возраст од 41 година, чија казна истекува во октомври 2048 година, избегал ноќе од затворот „Опера“ во Милано на најкласичен начин: со сечење на решетките на прозорецот и спуштање по чаршафи врзани во јазли – објави Џанарино Де Фацио, генерален секретар на синдикатот „Уилпа Полиција Пенитенцијарија“.

Сè уште не е јасно како потоа успеал да го премине затворскиот ѕид или дали имал надворешни помагачи – додава Де Фацио.

– Сепак, сигурно е дека овој нов инцидент, во комбинација со секојдневната драматична ситуација во затворите и сè што се случува, дополнително го потврдува неуспехот на затворските политики што се спроведуваат најмалку во последните 25 години, вклучувајќи ги и најновите – рече тој.

Потрагата по бегалецот е во тек, во која учествуваат Затворската полиција и други агенции за спроведување на законот.

– Се надеваме дека овој пат Централната истражна единица на Затворската полиција и нејзините територијални ограноци ќе можат да го решат случајот. Но, јасно е дека повеќе не можеме да работиме на принципот на крпење дупки без вистинско и конкретно програмско решение достојно за цивилизирана земја – додава Де Фацио.

Тој исто така потсети дека во затворот Опера моментално се сместени 1.338 затвореници на 918 расположиви места (преоптовареност од 153%), кој го опслужуваат само 533 полицајци, иако се потребни најмалку 811 (недостаток од 34%).

Според информациите од синдикатот Uilpa Polizia Penitenziaria, ова бегство треба да биде четврто по ред за бегалецот од затворска установа. Последен пат затвореник избегал во 2013 година.