📽️ „МУСЛИМАН СУМ И СОЦИЈАЛИСТ И НЕМА ИЗВИНИ“ Кој е новиот градоначалник на Њујорк?

„Јас сум муслиман. Јас сум демократски социјалист. И најпроклето од сè, одбивам да се извинам за ништо од ова“. Со овие зборови Зохран Мамдани ја отвори својата победничка ноќ во Бруклин, по освојувањето на градоначалничката функција на Њујорк. Толпата ја пречека неговата изјава со громогласен аплауз и скандирање, јави Би-Би-Си.

Мамдани, роден во Кампала, Уганда, е првиот муслиман и првиот градоначалник на Њујорк со индиско потекло. Доаѓајќи во САД како седумгодишно дете, тој често ја нагласува својата љубов кон градот што му овозможил, како што рече, „да сонува во боја“.

– Градот што го роди Доналд Трамп, сега ни покажува како да го победиме – изјави Мамдани, додека зад него се виореа знамиња со натпис „Њујорк за сите“.

Тој додаде дека „сонцето можеби зајде вечерва, но како што еднаш рече Јуџин Дебс, ја гледам зората на подобар ден за човештвото“.

 

Mamdani:

“I’m Muslim. I’m a democratic socialist. And most damning of all, I refuse to apologize for any of this” pic.twitter.com/k0QzJmTZw6

— Visegrád 24 (@visegrad24) November 5, 2025

Потоа, со речиси театарски замав, се обрати директно до Трамп:

– Ако некој може да ѝ покаже на нацијата дека Доналд Трамп предал како да го победи, тоа е градот што го роди. Ова не е само начинот на кој го запираме Трамп, ова е начинот на кој го запираме следниот. Доналд Трамп, бидејќи знам дека ме гледаш, имам два збора за тебе: зголеми ја јачината на звукот – рече Мамдани.

Меѓу аплаузите, тој се заблагодари на „следната генерација њујорчани“, велејќи дека „ќе се бори за нив бидејќи е дел од нив“. Во својот говор ги повтори клучните точки од програмата: бесплатен јавен превоз, државни продавници за храна, замрзнување на кириите и универзален систем за грижа на деца.

Мамдани е оженет со сириска уметница, запознаена преку апликацијата „Хинџ“. Дипломирал африкански студии на колеџот Боудоин. Говори англиски, урду и шпански.

Притоа, тој не ја избегнува контроверзата. Во текот на кампањата бил мета на исламофобични и расистички напади, но тврдеше дека тоа само ја разоткрива „болеста“ на американската политика.

Мамдани отворено застана во поддршка на Палестинците и ја критикувал израелската политика во Газа.

– Не чувствувам удобност да поддржувам држава што поставува хиерархија на граѓанство според религија. Верувам дека еднаквоста мора да биде заштитена во секоја земја на светот – рече тој.

Меѓутоа, истовремено нагласил дека го признава правото на Израел да постои како држава, додавајќи дека тоа право мора да биде придружено со обврска за почитување на меѓународното право.