ИЗГОРЕА МАГАЦИНИ НА СТРУМИЧКИ КОМУНАЛЕЦ Големиот пожар едвај го угасија 15 пожарникари
Еден од тимовите, и покрај дождот, успеал да го отвори лимениот покрив за да се овозможи излегување на чадот.
Во кругот на ЈП Комуналец во Струмица вчера околу 17:25 часот избувна голем пожар во магацински објекти. На терен интервенираа четири противпожарни возила и 15 пожарникари-спасители кои се соочија со исклучително тешки услови за гаснење, пренесуваат локалните медиуми.
Можеби ќе ве интересира
Поради опасност од електричен удар, било побарано исклучување на струјата од страна на ЕВН. Еден од тимовите, и покрај дождот, успеал да го отвори лимениот покрив за да се овозможи излегување на чадот и подобри видливост во внатрешноста на објектот. Пожарот е локализиран и угасен, но протицвпожарна екипа сè уште дежура на терен. Причинета е голема материјална штета, а причините за избувнување на пожарот допрва ќе се утврдуваат.