ВДОВИЦАТА НА ЧАРЛИ КИРК МУ ПРОСТИ НА УБИЕЦОТ „Затоа што Христос простува и Чарли би го направил тоа“
Мојот сопруг сакаше да спаси млади мажи, исто како оној што му го одзеде животот, додаде вдовицата на убиениот американски говорник и активист во обраќање на јавната комеморација.
„Тој човек, тој млад човек – му простувам. Му простувам затоа што Христос го направи тоа и затоа што Чарли би го направил тоа“.
Вака изјави Ерика Кирк, вдовицата на познатиот говорник Чарли Кирк, пред преполниот стадион во Аризона, на јавната комеморација за нејзиниот убиен сопруг.
Публиката се крена на нозе. Аплаузот беше за простувањето, за болката, за примерот.
– Мојот сопруг сакаше да спаси млади мажи, исто како оној што му го одзеде животот – додаде таа.
Чарли Кирк беше застрелан на 10 септември на Универзитетот Јута Вали. За неговото убиство е обвинет 22-годишниот Тајлер Робинсон од Јута. Обвинителите велат дека тој може да се соочи со смртна казна.
Erica Kirk ” That young man, I forgive him.” pic.twitter.com/IOaJw8y7y5
— justinseans (@justinseans) September 21, 2025
Властите открија дека веднаш по нападот, Робинсон испратил порака до својот партнер. Според објавената порака, осомничениот Робинсон бил презаситен од „омразата“ на Кирк.
Во интервју за „Њујорк Тајмс“, Ерика Кирк објасни дека била прашана дали посакува смртна казна за обвинетиот, пишува „Гардијан“.
– Ќе бидам искрена. Му кажав на нашиот адвокат дека сакам владата да одлучи за ова. Не сакам крвта на тој човек да ми биде на совеста. Значи, кога ќе одам во рајот и Исус ќе ми рече: „Око за око? Така ли работиме?“ И поради тоа, нема да бидам во рајот, нема да бидам со Чарли? – додаде Ерика Кирк.
Судскиот процес е во предсудска фаза, а следното рочиште се очекува во октомври.