📽️ ИЗРАЕЛ УДРИ ВРЗ ГРАДОТ ГАЗА, НОВА ЕСКАЛАЦИЈА ВО КОНФЛИКТОТ Повеќе од 350.000 луѓе избегаа од „железната тупаница“
Повеќе од 350.000 Палестинци досега се евакуирани од градот Газа во други делови од Појасот, објави израелската војска (ИДФ). Израелскиот министер за одбрана, Израел Кац, изјави дека израелската армија дејствува „со железна тупаница“ против „терористичката инфраструктура“ во Појасот Газа.
Израелската армија започна копнена офанзива за окупирање на градот Газа. Ова го објави американската веб-страница „Аксиос“, која наведува дека владата на израелскиот премиер Бенјамин Нетанјаху тврди дека операцијата има за цел искоренување на Хамас.
Се наведува дека копнената операција што започна вечерва претставува нова ескалација во војната што трае речиси две години и се очекува да го зголеми бројот на жртви и да ја влоши хуманитарната катастрофа во палестинската енклава.
Повеќе од 350.000 Палестинци досега се евакуирани од градот Газа во други делови од Појасот, објави израелската војска (ИДФ).
Се проценува дека илјадници луѓе го напуштиле градот преку ноќ поради силниот бран воздушни напади, изјави извор од одбраната, според „Тајмс оф Израел“. Изворот, исто така, рече дека бројот на палестински цивили што го напуштаат градот Газа веројатно ќе се зголеми како што напредува офанзивата.
🚨 Happening Now.
Hamas is getting pummelled tonight in Gaza City.
I stand with Israel in the fight against Islamist Terrorism. pic.twitter.com/0lW0iagpk2
— Kosher🎗 (@koshercockney) September 15, 2025
BREAKING:
Israel launches major ground offensive to take Gaza City pic.twitter.com/YGJ03gUVO7
— Visegrád 24 (@visegrad24) September 15, 2025
⚡️BREAKING: For over 5 hours, Israel has carried out nonstop, intense bombardment on Gaza City and other areas of the Strip as its forces advance. More than 60 Palestinians, including children, women, and the elderly, were killed today. Hebrew media reports Israel struck over 35… pic.twitter.com/yGlYH7cyvy
— Suppressed News. (@SuppressedNws1) September 15, 2025
Се проценува дека околу еден милион Палестинци живееле во градот Газа пред Израелските одбранбени сили да почнат да се подготвуваат за офанзивата.
Израелскиот министер за одбрана, Израел Кац, изјави дека израелската армија дејствува „со железна тупаница“ против „терористичката инфраструктура“ во Појасот Газа.
– Газа гори – изјави Кац.
Според него, војниците се борат „за да создадат услови за ослободување на заложниците и пораз на Хамас“.
Oд друга страна, Израел вчера го погоди седиштето на Хезболах во јужниот либански град Набатија, соопшти израелската армија.
Според либанското Министерство за здравство, најмалку осум лица се ранети во нападот, вклучувајќи четири деца и три жени.
Големата копнена офанзива на Израел во градот Газа и нападот во Јужен Либан доаѓаат само денови откако Израел ненадејно го нападна градот Доха во Катар, потег кој ја изненади меѓународната јавност и ги разниша надежите за дипломатско решение на конфликтот.