СИНОТ НАПРАВИЛ ФАУЛ, ТАТКОТО ВЛЕТАЛ НА ТЕРЕНОТ ДА СЕ ТЕПА Обвинение за насилство на фудбалскиот натпревар во Штип
Настанот се случил во 89-тата минута од натпреварот, кога судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“, соопшти Обвинителството.
Основното јавно обвинителство Штип поднесе Обвинителен предлог против едно лице за кривично дело насилство по инцидентот што се случи на 24 август, на фудбалскиот стадион „Бело Брдо“ во Штип.
За време на фудбалскиот натпревар помеѓу пионерските екипи на фудбалските клубови „Брегалница“ од Штип и „Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК „Брегалница“, соопшти Јавното обвинителство.
На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв.
Настанот се случил во 89-тата минута од натпреварот, кога судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди. На игралиштето влегле и други лица од публиката, кои спречиле натамошна ескалација на настанот.
Јавниот обвинител до Основниот суд во Штип достави и предлог за продолжување на претходно определената мерка притвор за обвинетиот. Тој се гони за кривичното дело Насилство од член 386 став 4 во врска со став 3 и став 1 од Кривичниот законик.