📷 МАКЕДОНИЈА ЗАСЛУЖУВА ЧЛЕНСТВО ВО ЕВРОПСКАТА УНИЈА Пленковиќ му ги отвора вратите на Мицкоски во Брисел
Поддршката од Хрватска, која е членка на ЕУ од 2013 година, се смета за значајна во дипломатските напори на Македонија за приближување кон европското семејство.
Хрватскиот премиер Андреј Пленковиќ преку објава на платформата Икс информираше дека имал телефонски разговор со македонскиот премиер Христијан Мицкоски.
„Со премиерот Христијан Мицкоски разговарав за понатамошната динамика на европскиот пат на Северна Македонија, за претстојниот Извештај на Европскиот парламент за напредокот и состојбата во Југоисточна Европа. Хрватска ќе продолжи силно да ја поддржува Северна Македонија, која заслужува членство во ЕУ“, напиша Пленковиќ на социјалната мрежа.
Овој став доаѓа во пресрет на новиот извештај на Европскиот парламент за земјите од Западен Балкан, каде што ќе се оценува напредокот на секоја држава на патот кон Европската Унија.
Поддршката од Хрватска, која е членка на ЕУ од 2013 година, се смета за значајна во дипломатските напори на Македонија за приближување кон европското семејство.
S premijerom @MickoskiHM 📞 razgovarao sam o daljnjoj dinamici europskog puta Sjeverne Makedonije, predstojećem Izvješću @Europarl_EN o napretku i stanju na jugoistoku Europe. Hrvatska će nastaviti snažno podupirati Sjevernu Makedoniju, koja zaslužuje članstvo u EU-u! 🇭🇷🤝🇲🇰 pic.twitter.com/2PlzAd5fOu
— Andrej Plenković (@AndrejPlenkovic) June 21, 2025
Мицкоски потврди дека денеска разговарал телефонски со хрватскиот премиер Пленковиќ и рече дека неговиот колега уште еднаш потврдил дека Хрватска е докажан пријател на Македонија.
„Имав телефонски разговор со премиерот на Република Хрватска. Во пресрет на извештајот на Европскиот парламент, продолжувам да ги користам сите контакти за да ја раскажам македонската вистина – за нашиот напредок, за вредностите што ги браниме и за иднината што ја заслужуваме. Хрватска е докажан пријател на нашата држава, а нејзината гласна поддршка во клучни моменти претставува голем поттик и охрабрување за сите нас. Македонија заслужува членство во Европската Унија, но со крената глава“, напиша Мицкоски на Икс.
Имав телефонски разговор со премиерот на Република Хрватска, @AndrejPlenkovic. Во пресрет на извештајот на Европскиот парламент, продолжувам да ги користам сите контакти за да ја раскажам македонската вистина – за нашиот напредок, за вредностите што ги браниме и за иднината што…
— Христијан Мицкоски (@MickoskiHM) June 21, 2025