РУСИТЕ ПРИСТИГНАА ВО ИСТАНБУЛ, УКРАИНЦИТЕ ДОАЃААТ ДУРИ ПОПЛАДНЕ? Преговорите за мир ќе задоцнат

Портпаролката на руското Министерство за надворешни работи Марија Захарова денеска потврди дека руската делегација пристигна во Истанбул, каде се планирани разговори за решавање на конфликтот во Украина, пренесоа руските медиуми.

– Како што е речено во повеќе наврати, руската страна е подготвена за сериозни преговори, а делегацијата на Русија пристигна во Истанбул и е подготвена за сериозна работа – истакна таа на прес-конференција во Москва.

Разговорите во Истанбул се преместени за попладнево „на иницијатива на Турција“, соопшти портпаролката на руското Министерство за надворешни работи, Марија Захарова, јави Би-Би-Си.

Состанокот на руската и украинска делегација, според првичниот распоред, требаше да почне денеска 10 часот.

Захарова потсети дека рускиот претседател Владимир Путин на 11 мај изнесе иницијатива за продолжување на директните преговори меѓу двете страни, предлагајќи преговорите да почнат без одлагање и предуслови со цел да се елиминираат суштинските причини за конфликтот и да се тргне кон воспоставување долгорочен, траен мир.

❗️The Ukrainian delegation will arrive in Istanbul after the meeting between Erdoğan and Zelensky in Ankara, which is scheduled for 2:00 p.m. Only after that will the negotiations begin — according to media reports.

Sources note that Russia–Ukraine talks were never expected to… pic.twitter.com/3mmYqcBIXI

— NEXTA (@nexta_tv) May 15, 2025

Според информациите објавени на профилот на белорускиот канал Некста на Икс новинарите веќе се собрале во Долмабахче во Истанбул, додека украинската делегација е закажана во Истанбул да пристигне по 2 часот попладне по турско време (1 часот по македонско), за кога е закажана средба на украинскиот лидер Володимир Зеленски и турскиот претседател Реџеп Таип Ердоган во Анкара.

Според најновите информации, Зеленски веќе пристигна во Анкара.

Руски Спутник пишува дека според неименувани извори преговорите нема да започнат пред попладневните часови.

Press scrum at the Dolmabahçe place right now. No sign of the Russian delegation that reportedly already arrived in Istanbul. pic.twitter.com/kPLwUaslJL

— Nataliya Vasilyeva @nataliyavasilyeva.bsky.social (@Nat_Vasilyeva) May 15, 2025

Според објавата на Некста, Сенаторот Линдзи Греам, кој неодамна предложи закон за заострување на санкциите против Русија, исто така пристигна во Турција заедно со американскиот државен секретар Марко Рубио и  Рубио веќе имал средба со украинскиот шеф на дипломатијата Андреј Сибиха во Анталија.

Американски претседател Доналд Трамп, кој е на четиридневната турнеја на Блискиот Исток, штотуку изјави дека може да оди во Истанбул во петок, 16 мај, доколку на денешните мировни преговори за Украина постигнат напредок.