69 ПАЦИЕНТИ СЕ ЛЕКУВААТ ВО СТРАНСТВО Во Скопје се хоспитализирани 15 пациенти повредени во пожарот

Министерството за здравство информира дека во моментот 69 пациенти се на лекување во странство и нема промена во нивната состојба, во споредба со претходните денови.

Непроменета е и состојбата на пациентите во критична состојба.

Во моментот, во установите во Скопје се лекуваат 15 пациенти и тоа: Во Хируршка клиника ,,Св Наум Охридски” се шест пациенти, на Клиника за пластична хирургија 4 пациенти пристигнале синоќа од странство, на Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски” и еден кој ноќеска е дојден од Шпанија) и еден пациент е хоспитализиран на Клиника за пулмологија.
Во „Аџибадем Систина“ се лекуваат двајца пациенти.

Сите пациенти кои се третираат во нашите установи се во стабилна состојба.

Министерството за здравство соопшти дека и понатаму внимателно ја следи состојбата на повредените пациенти и останува во постојана комуникација со медицинските тимови во земјава и странство, посветено на обезбедување најдобра можна нега за повредените од несреќата во Кочани.