БУГАРСКИ ПРАТЕНИК СОБРА 40.000 ЕВРА ЗА ЖРТВИТЕ ВО КОЧАНИ 18 семејства добиваат по 1.500 евра, 13.000 евра резервирани за лекување

Бугарскиот пратеник Манол Пејков преку својата фондација „Манол Пејков и пријатели“ досега собрал околу 40.000 евра за семејствата на загинатите и повредените во трагедијата во Кочани. Во објава на Фејсбук, тој објасни како ќе се распределат собраните средства и упати апел за дополнителни донации.

„По внимателни консултации со луѓето од Кризниот штаб во Кочани (SupportKochani), формиравме список од 18 тешко погодени семејства, на кои решивме да префрлиме по 1.500 евра од вашите донации. Од очигледни причини нема да ги спомнуваме нивните имиња, туку само ќе напоменам кои семејства се на списокот“, пишува Пејков.

– Починат татко, самохрана мајка со две деца, едното новороденче;

– Починат татко, самохрана мајка со новороденче;

– Починат татко, семејство во тешка финансиска состојба;

– Починат татко, самохрана мајка на двомесечно бебе со минимални примања;

– Починат татко, самохрана мајка со две мали деца;

– Самохрана мајка со пет деца, едно се лекува во Бугарија, друго е студент во странство;

– Тешко повредени со постари родители;

– Брат мртов, сестра повредена (братот се вратил да ја спаси); татко им починал пред две години, мајка им сама се грижи за нив;

– Повреден син на родители со ограничени можности и уште едно мало дете;

– Двајца браќа на самохрана мајка, двајцата повредени;

– Повреден син на родители со ограничени можности; неговиот брат е студент;

– Повреден син на самохрана мајка со ограничени можности;

– Брат и сестра со сериозни повреди;

– Починат син на родители со попреченост, со брат ученик;

– Брат и сестра во болница, со починат татко.

„На 15 од семејствата им ги префрливме споменатите суми. Три од семејствата сè уште немаат банкарски сметки што овозможуваат меѓународни трансфери. Одржуваме постојан контакт со Супорт Кочани и донациите ќе им ги префрлиме веднаш штом ќе се отворат сметките“, додава Пејаков.

Тој додава дека како резерва се оставени околу 13.000 евра за поддршка на жртвите на кои им е потребен подолг третман.

Бугарскиот пратеник сподели како се собрани донациите за поддршка на погодените од пожар во дискотеката во Кочани, која ја започнана на 16 март:

Преку сметка: 503 донации во вредност од 68.037 лева и 87 стотинки.

Преку „PayPal“: 121 донација во вредност од 4.765 евра = 9.319 лева и 53 стотинки.

Вкупно: 624 донации во вредност од 77.357 лева и 40 стотинки = 39.952 евра и 21 цент.

„Доколку сепак сакате да се вклучите во кампањата, можете да го сторите тоа на сметките што ги знаете: Фондација „Манол Пејков и пријателите“ Комерцијална банка Д АД ИБАН: BG09DEMI92405000310141 или PayPal: [email protected] Причина: За жртвите во Кочани и нивните семејства“, повикува Пејков на крајот на својата објава.