ЛИНА ХРАБРО СЕ БОРЕШЕ, НО НЕ УСПЕА Нашата тенисерка по два тај-брејка елиминирана од Вимблдон

Македонската тенисерка Лина Ѓорческа не успеа да ја мине првата квалификациска пречка на Грен Слем турнирот Вимблдон кој се игра на трева во Лондон.

Таа загуби од Американката Саша Викери по два тај-брејка, со резултат 6-7, 6-7. Мечот против 138 рангираната тенисерка траеше час и 45 минути, а Македонката одлично парираше и во двата сета на повисокорангираната ривалка.

Во првиот тај-брејк, Викери успеа да слави со 7-1 во поени, додека во вториот тај-брејк мечот заврши со резултат 7-5.

Ѓорческа оваа сезона настапи и на Австралијан Опен и Ролан Гарос, но не успеа да ги мине првите квалификациски пречки.