ДОДЕКА ИМАЛ КОРОНА СПАСОВСКИ ПОТПИШАЛ 2 РЕШЕНИЈА Синдикатот на полицијата му поднесе кривична пријава

Синдикатот на полицијата во Македонија до Основното јавно обвинителство Скопје денеска поднесе кривична пријава против Оливер Спасовски, поранешен министер за внатрешни работи, поради постоење на основано сомнение ги пречекорил овластувањата и ги злоупотребил службената положба и овластувања. Пријавата е за кривичните дела „Злоупотреба на службената положба и овластување“ по член 353 од Кривичниот законик и „Несовесно работење во службата“ по член 353-в од Кривичниот законик.

„Постои основано сомнение дека пријавениот О.С. со злоупотреба на службената положба и овластување, со непочитување на здравствените прописи кои важеле во тоа време, како и преземање на мерки и службени дејствија за време на спреченост на работа, односно додека бил на боледување и непочитувајќи ги прописите за заштита на Државниот санитарен и здравствен инспекторат за заштита од вирусот ковид-19, своерачно и незаконски потпишал две решенија за распоредување а со тоа ги сторил кривичните дела Злоупотреба на службената положба и овластување и Несовесно работење во службата предвидени во член 353 и 353-в од Кривичниот законик“, се наведува во соопштението од Синдикатот.

Оттаму прашуваат:

„Каков човек треба да бидеш, додека си на боледување, да бидеш болен од ковид-19, да бидеш во изолација и единствено да те интересира да нанесеш штета на работниците на кои со години од твоето владеење ‘се колнеше’ дека се ‘задоволна полиција’“.