📽 ОСЛОБОДЕНА ПРВАТА ГРУПА ЗАЛОЖНИЦИ Засега се почитува привременото примирје во Појасот Газа

Израелската војска ги активираше сирените за воздушен напад во две села во близина на Појасот Газа, само неколку минути по стапувањето во сила на четиридневното примирје меѓу Израел и Хамас. Засега нема непосредна потврда дека се случиле ракетни напади од палестински милитанти на израелска територија или дека е причинета некаква штета.

Утрово во 7 часот по локално време стапи во сила четиридневното примирје меѓу Израел и Хамас, со посредство на Катар. Во часовите пред привремениот прекин на огнот, ракетните сирени се вклучија во израелските градови кои се граничат со Газа, а израелската војска извести за интензивни операции во палестинската енклава, во обид да ја унапреди својата операција против Хамас што е можно повеќе во последните часови пред паузата.

Палестинската милитантна група Хамас денеска му ја предаде на Црвениот крст првата група израелски заложници. Меѓу ослободените има и 13 лица, кои преку преминот Рафа, се предадени на египетските власти. Претходно Хамас ослободи и 12 тајландски заробеници.

Тајландскиот премиер Срета Тависин денеска соопшти дека од Појасот Газа се ослободени 12 заложници, тајландски државјани, додека се очекува ослободување и на израелските заложници.

– Од Министерството за безбедност и МНР е потврдено дека 12 тајландски заложници се веќе ослободени. Официјални лица од амбасадата се на пат да ги примат – напиша Тависин на социјалната мрежа Х.

Тој го објави ова откако египетските власти објавија дека интензивните дипломатски напори на Египет резултирале со ослободување на Тајланѓаните.

 

رئيس الهيئة العامة للاستعلامات المصرية: السلطات المصرية تستعد الآن في منفذ ر#فح لاستقبال المحتجزين المفرج عنهم من حماس بقطاع #غزة تمهيدا لنقلهم إلى الجانب الإسرائيلي#من_غزة_هنا_القاهرة#تضامنا_مع_فلسطين #القاهرة_الإخبارية pic.twitter.com/yAEZ0WPbf0

— AlQahera News (@Alqaheranewstv) November 24, 2023

Шпанскиот премиер Педро Санчез денеска за време на посетата на граничниот премин Рафа во Египет изјави дека сегашниот прекин на огнот во Газа не е доволен и дека е потребен траен прекин на огнот.

Шефот на политичкото биро на Хамас, Исмаил Ханије денеска изјави дека палестинската милитантна група ќе го почитува постигнатиот договор за прекин на огнот се додека Израел го прави истото.

– Ја потврдуваме нашата посветеност за спроведување на договорот и обезбедување на неговиот успех се додека непријателот се придржува до него – рече Ханије во видео пораката на Телеграм.

 

LIVE: Rafah crossing as Israel and Hamas agree to ceasefire https://t.co/Tnm8neezgm

— Reuters (@Reuters) November 24, 2023

Израелските сили денеска се повлекоа од најголемата болница во Газа, Ал-Шифа, соопшти Министерството за здравство управувано од Хамас, на првиот ден од привременото примирје помеѓу Израел и палестинските милитанти.

Израелската војска минатата недела изврши рација на Ал-Шифа. Болницата беше главен фокус на израелската копнена офанзива во Појасот Газа по нападите на Хамас врз јужен Израел на 7 октомври. Израелските власти тврдат дека во нападот на Хамас загинале околу 1.200 луѓе.

 

🔴 Preparations are now taking place in front of the Rafah crossing gate to complete the first batch of prisoner exchange in accordance with the truce agreement between the resistance and the Israeli occupation. pic.twitter.com/fdFdyo1XDL

— Suribelle 🔻 (@Syribelle) November 24, 2023

 

Ослободените заложници кусо прегледани во болница во Кан Јунис

Ослободените израелски заложници во моментов се на пат кон преминот Рафа за да преминат во Египет, откако претходно беа префрлени во Црвениот крст и беа подложени на кратки медицински прегледи во болницата во Кан Јунис.

Телевизијата Ал Акса, која е блиска на Хамас, цитира извори од милитантната група кои потврдуваат дека ја предале првата група израелски заробеници на Црвениот крст.

На Х е објавено видео на кое се гледаат амбулантни возила во кои се тврди дека се наоѓаат ослободените заложници.