(ВИДЕО) ГРДОСИЈАТА „ЏЕРАЛД ФОРД“ СЕ УКОТВИ НА ЈАДРАНОТ Бродот може да носи вкупно 75 авиони и хеликоптери

Најголемиот носач на авиони во светот, американскиот брод на нуклеарен погон „Џералд Форд“ се закотви во близина на Сплит, пренесува Јутарњи лист.

„Џералд Форд“ е најновиот и најголемиот носач на авиони во американската морнарица, но и најголемиот воен брод во историјата кој е пуштен во употреба. Тој е првиот носач на авиони во својата класа (наречена по него – „Форд“ класа), а во оперативна служба беше прифатен во 2017 година.

Развојот на бродот траел со години, а вкупните трошоци се искачиле на дури 13 милијарди долари, без да се сметаат парите потрошени за развој на целата класа.

Бродот е со гигантски размери – долг е 337 метри, висок 76 метри, а неговата носивост надминува 100.000 тони. Се напојува со два нуклеарни реактори, кои му овозможуваат да плови речиси 25 години пред да го замени нуклеарното гориво.

На бродот има повеќе од 4.500 морнари и друг персонал, вклучувајќи пилоти и луѓе кои управуваат со сите авиони на бродот, вкупно до 75 авиони и хеликоптери.

It’s #StrikeGroupSaturday ⚓️

Sailors assigned to Explosive Ordnance Disposal Mobile Unit 6 maintain security on the flight deck of the Ticonderoga-class guided missile cruiser USS Normandy (CG 60).#eod #ussnormandy #cg60 #ussgeraldrford #sailors #security #integrityatthehelm pic.twitter.com/EsMj29In7a

— USS Gerald R. Ford (CVN 78) (@Warship_78) June 25, 2023

Бродот ги носи најнапредните ловци наменети за носачи, како што се F-35C Lightning II и F/A-18E/F Super Hornet, E-2D Advanced Hawkeye авионот за рано предупредување за сите временски услови, поморскиот шелтер EA-18G Growler – нападни авиони за електронско војување, како и повеќенаменски хеликоптери MH-60R/S и бројни видови беспилотни летала. За нивно катапултирање се користи електромагнетен катапулт, кој го замени дотогашниот парен катапулт.

Бродот, како и целата класа на овие носачи, го добил името по 38. претседател на Соединетите Американски Држави, Џералд Форд, кој меѓу другото служел на носачот на авиони Монтереј за време на Втората светска војна.

Некои членови на екипажот зборуваа за хрватските медиуми:

Кристофер Решковиќ од Западна Вирџинија е Хрват по потекло и има 20 години, а станал војник затоа што не знаел што точно да прави, па дошол до заклучок дека приклучувањето во војската е добар начин да го сфати тоа, објави ХРТ.

– Нашето присуство овде ја покажува нашата решителност и посветеност за напредок кон мирот и стабилноста во регионот – изјави адмирал Ерик Џ. Еслих, командант на борбената група на носачот на авиони Џералд Форд.

„Посетата на Сплит е потврда за подобрување на односите меѓу САД и Хрватска бидејќи двата народа работат заедно за стабилен, безбеден и просперитетен регион“, соопштија од Амбасадата на САД во Хрватска.