СОЦИЈАЛНИТЕ МРЕЖИ СЕ ГЛАВНА ПРИЧИНА ЗА ДЕПРЕСИЈА И АНКСИОЗНОСТ КАЈ ТИНЕЈЏЕРИТЕ Влошувањето на менталното здравје на младите, рака под рака со смартфоните
„Депресијата меѓу тинејџерите почна да расте околу 2012 година, што се совпаѓа со популарноста на паметните телефони. Тоа беше време, вели Твенги, кога „лајковите“ на објавите станаа вообичаени, а алгоритмите почнаа да стануваат пософистицирани за да ги задржат луѓето подолго на социјалните мрежи. Ова очигледно не е случајност“, вели Жан Твенги, професор по психологија на Државниот универзитет во Сан Диего.
Употребата на социјалните мрежи е главната причина за депресија, анксиозност и други проблеми кај тинејџерите во САД, предупреди шефот на американската служба за јавно здравје, доктор на медицински науки и вицеадмирал Вивек Мурти, долгогодишен заговорник на социјалното значење на менталното здравје, објави телевизијата NBC.
Неговото предупредување за социјалните мрежи доаѓа откако стапките на депресија, тага и безнадежност кај тинејџерите, особено кај девојчињата, се зголемија во изминатата деценија.
Шефот на американската служба за јавно здравје ги повикува технолошките компании и законодавците да преземат „итна акција“ за заштита на менталното здравје на децата и адолесцентите на социјалните мрежи.
Повеќе за ова прочитајте на порталот „Мајка и дете“.