„КАМ МАРКЕТ“ НАЈПОСАКУВАН РАБОТОДАВАЧ ЗА 2022 ГОДИНА Први во категоријата маркети поради највисоките плати и грижата за човечкиот капитал
Наградата од веб-страницата за пребарување работни места vrabotuvanje.com за нас е и поттик да продолжиме со унапредување на условите и грижата за вработените. „КАМ“ е едно големо семејство и секој член во него е важен, и тие што се долги години со нас, и оние што допрва ќе ни се придружат – велат од „КАМ“.
„КАМ“ е прогласен за најпосакуван работодавач во категоријата маркети на првите награди за најдобри работодавачи во организација на веб-страницата за пребарување работни места vrabotuvanje.com.
Наградите беа доделени врз основа на три критериуми – број на посети на огласите и објавите на „Вработување“, покажаниот интерес од страна на апликантите и јавно истражување спроведено од организаторот.
– Сите признанија ни се драги, но особено сме благодарни за оваа награда, бидејќи се однесува на сегмент што нам како компанија ни е особено битен, а тоа се вработените и нивното задоволство. Воедно, ова е и поттик да продолжиме со унапредување на условите и грижата за вработените. „КАМ“ е едно големо семејство и секој член во него е важен, и тие што се долги години со нас, и оние што допрва ќе ни се придружат – велат од „КАМ“.
Наградата не е изненадување ако се има предвид дека освен што „КАМ“ има највисок просек на плати во категорија маркети, компанијата континуирано, без оглед на моменталните економски услови, е доследна на сопствената политика за грижа и развој на човечкиот капитал. Покрај континуираното зголемување на платите и бенефициите на вработените, „КАМ“ за своите вработени обезбедува и исплата на регрес кој за минатата година изнесуваше 33.000 денари. Листата на бенефиции за вработените постојано се дополнува и вклучува слободен ден за роденден, ваучер за склучен брак, пакет производи за Бадник и Велигден, попусти за одмор во хотелот „Вилиџ“ итн.
Исто така, Центарот за обука на „КАМ“ реализира програми за вработените за стручно надградување и прилагодување на развојните потреби на компанијата. Значајно место во програмата за грижа и развој на човечките ресурси има и проектот за поддршка на дуалното средно образование, во чии рамки се склучени договори за соработка со 8 средни училишта и педесетина ученици веќе се активно вклучени во работните процеси на компанијата.
На манифестацијата, замислена како „Оскари“ за работодавачите, беа доделени признанија во 7 категории, како и главна награда за апсолутниот победник. Организаторот најавува дека наградите ќе се доделуваат секоја година, со цел да бидат мотив, признание и потврда дека Македонија има вистински добри работодавачи кои знаат и умеат да ги градат и почитуваат вистинските вредности, а со тоа и да бидат пример на пазарот за труд.