ИЗРАЕЛ ГО БОМБАРДИРА ДАМАСК!? Најмалку 5 загинати, 15 ранети

Најмалку пет лица загинаа, а 15 се повредени во денешните израелски воздушни напади врз станбена зона во сирискиот главен град Дамаск, јави сириската новинска агенција САНА.

Експлозии се слушнале над централното подрачје на главниот град, а САНА јави дека сириската противвоздушна одбрана одговара на непријателските напади.

Сириската државна агенција, повикувајќи се на воен извор, јави дека загинале пет лица, од кои еден војник, а ранети се 15 цивили, како и дека се уништени неколку станбени згради.