„ЕДУКАТА“ ГИ ИЗБРА ПРВИТЕ 12 СТИПЕНДИСТИ Видеолотарија преку фондацијата ќе исплаќа 18.000 денари месечно за секој студент

Видеолотарија Касинос Австрија преку фондацијата за образовна и хуманитарна општествена дејност „Едуката“, ќе стипендира 12 студенти на 4 факултети при УКИМ.

Видеолотарија Касинос Австрија како општествено одговорна компанија, преку фондацијата Едуката обезбеди стипендии за 12 студенти на Универзитетот „Свети Кирил и Методиј“ (УКИМ) во Скопје. По извршената евалуација согласно конкурсот за стипендирање 2022/23 објавен на 01.11.2022 година, избрани се  следните кандидати:

Правен факултет:

1. Арта Мифтари од Велес – правни студии
2. Дениз Сулимани од Куманово – правни студии
3. Тамара Гарческа од Битола – политички студии

Машински факултет:

1. Марио Ангелковски од Охрид – мехатроника
2. Симон Темков од Кавадарци- ИИМ
3. Зорица Димова од Кавадарци – ИИМ

Природно математички факултет:

1. Михаела Антовска од Тетово – наставна математика
2. Семра Амза од Скопје – нутриционизам
3. Христина Митреска од Охрид – теориска математика

ФИНКИ:

1. Магдалена Трајкова од Гевгелија – ПИТ
2. Иман Топчи од Охрид – СИИС
3. Ајла Радончиќ -компјутерски науки

Директорот на фондацијата „Едуката“, Оливер Арсовски најави дека фондацијата ќе го следи целокупниот факултетски развој на избраните студенти, сè до нивното завршување, доколку бидат исполнети критериумите за добивање стипендија. Секој избран студент ќе добие стипендија во нето месечен износ од 18.000 денари за 10 месеци во текот на студиската година.

– Сите стипендисти имаат инспиративни резултати, што за нас е дополнителен мотив да продолжиме со поддршката на нивниот индивидуален и научен развој, а со тоа и да придонесеме во создавањето висококвалитетни кадри кои ќе понудат нови можности за развој на заедницата. Нашата визија  е да започнеме со студентите на факултетите при УКИМ во Скопје кои ќе ги следиме до крај на нивното студирање, доколку продолжат да ги исполнуваат поставените критериуми. Веќе од почетокот на следната година, ќе бидат вклучени и останатите државни универзитети во Штип- Гоце Делчев, Битола- Св. Климент Охридски и Тетово- Државен Универзитет Тетово. Фондацијата „Едуката“ фокусот го става на надарените лица-ученици и студенти кои потекнуваат од социјално загрозени семејства, кои немаат финансиски можности, а имаат амбиција за образување. Нашата цел е овие млади луѓе да добијат еднакви можности за стекнување знаење и вештини, со што ќе се овозможи во иднина тие да бидат носители на развојот на општеството -додаваат од Видеолотарија Касинос Австрија.