НЕ Е ИСПРАВНО ЛУЃЕТО НАМЕРНО ДА СЕ ЗАРАЗУВААТ СО ОМИКРОН Доктор Мемедовиќ вели дека така само ќе се преплави здравствениот систем
ако луѓето намерно се заразуваат очекувајќи дека омикрон варијантата е полесна, потенцијално ќе предизвикуваат синџир на пренос (домино ефект) и ќе го преплават веќе преоптоварениот здравствен систем, смета Мемедовиќ.
Доктор Злате Мехмедовиќ во изјава за Фокус вели дека не може да се тврди дека омикронот ќе биде последната варијанта на коронавирусот и затоа не го оправдува ставот што поголем број на луѓе да се заразат со него.
-Мислам дека сериозен проблем преставува промовирањето на тезата за намерна експозиција на оваа условно кажано „лесна-блага“ варијанта на вирусот со цел да се создаде суперимунитет, па дури се промовира и да не се носат маски на затворено, да нема затворање на рестораните и кафаните, како и да не се користат ковид сертификати – вели Мехмедовиќ.
Тој вели дека повеќето луѓе ги поминале последните две години борејќи се да го избегнат ковид 19, а сега некој ги потикнува да го направат спротивното. Негов став е дека ако луѓето намерно се заразуваат очекувајќи дека омикрон варијантата е полесна, потенцијално ќе предизвикуваат синџир на пренос (домино ефект) и ќе го преплават веќе преоптоварениот здравствен систем.