6 НАЈВАЖНИ ПРАШАЊА ЗА КОРОНАТА ВО УЧИЛИШТАТА Еве што треба да знаат родителите

Кои се најбитните нешта кои можат да се случат или да не се случат со новата настава со физичко присуство кај нас? Ќе има ли пак ненадејни карантини?

Студија на Science News ги открива шесте најбитни нешта кои треба да ги знаат сите родители и тоа низ призмата на родители од Америка кои ги кажувале своите сведоштва. Една двојка од САД морала да чека седум дена пред да им ги тестираат децата, а тие веќе имале симптоми на настинка и дијареја.

– Голем број ученици ќе бидат ранливи на чести карантини – вели специјалистот за детски инфективни болести Адам Херш од Универзитетот во Јута во Солт Лејк Сити. – Тоа ќе биде неверојатно вознемирувачко.

Карантините беа чести лани, но како ќе биде годинава? Ќе ги враќаме ли децата од школо на секој симптом на настинка и дали така ќе бидат побезбедни?

1. Како децата да се безбедни кога се на школо? – Маски и само маски!

Маски, маски и само маски. Маските ја намалуваат можноста да се пренесе вирусот на помалку од 1 процент, вели истражувањето спроведено во 150 училишта во Северна Каролина.

Тоа е особено точно за децата до 12 години. И со оглед на ниските стапки на вакцинација на тинејџерите низ целата земја, маскирањето останува најдобрата стратегија за ублажување дури и за средните и средните училишта, објаснува Херш.

– Речиси секоја нова студија што излегува покажува дека кога се носат маски растојанието од 3 метри е исто толку заштитно како и 6 метри – вели Џон Бејли, експерт за внатрешна политика во Американскиот институт за претпријатија.

Во друга студија, биле следени 1.200 деца од прво до 12-то одделение во Вирџинија, кои носеле маски во автобусот кој ги возел во школо. Иако од нив на крајот имало 39 заразени, заразата не дошла од нивните другарчиња од автобусот туку од надворешни лица.

Маските биле доволни да ги заштитат децата иако седеле еден до друг на седиштата!

2. Покрај носењето маски, што друго можат да направат училиштата? – Да тестираат!

Децата треба да бидат постојано следени – и тестирани. Педијатарот Лин Силвер од Беркли вели дека брзите антигени тестови, кои даваат резултат за 15 минути, можат да се прават на дневна база. Оваа мерка е можно да се воведе во повеќе држави во Америка.

Ќе воведат ли вакви тестови македонските училишта? Родителите секако би биле помирни. А и едно истражување покажува дека од над 27.000 ПЦР тестовите што биле направени во 10 училишта во Калифорнија, во рок од 6 месеци годинава, само 0,1 проценти биле позитивни.

Тајната? Носењето маски!

– Скринингот е особено вреден во основните училишта каде што сите деца се невакцинирани – вели Силвер. – И тестовите се значително поефикасни за идентификување позитивни случаи отколку тековните протоколи, како што се проверка на симптомите и температурата.

Сепак, тој предупредува дека постојаното тестирање не може да биде замена за носењето маски!

 

3. Дали е неопходен карантин ако детето е во контакт со невакциниран? – Во Америка, да.

Веројатно да. Во Македонија, за жал, наставниците уште немаат обврска да се вакцинираат, па дел од нив, во државните и во приватните училишта, уште не се вакцинирани. Тоа е голем проблем.

Во Америка, на пример, секоја земја одлучува за ова. Таму, и покрај носењето маски, им се препорачува на школите да ги ставаат во карантин децата кои биле во контакт со некој што е невакциниран (без разлика дали е позитивен или негативен) и тоа дури ако оставиле контакт на 6 метри. За нив, сè што е помалку од 6 метри се смета за ризично во моментов.

Но, тука веднаш доаѓа прашањето – а кои од децата ќе бидат вакцинирани, ако се знае дека интересот не е преголем и дека можат да се вакцинираат само тие над 12 години?

Еден позитивен човек во училница може да стави во карантин над 100 луѓе. Ова било посведочено во школо во САД.

4. Што ако, по инерција, никој не носи маски во моето школо? – Ти стави си маска!

Вие ставете си маска. Според Американската академија за педијатрија, се препорачува маска да носат сите деца постари од 2 години. Веќе од двегодишна возраст децата го губат оној супер-бебешки имунитет кој ги прави новороденчињата отпорни на корона.

Во Америка е хаос во врска со ова прашање. Јужните земји, како Флорида, Тексас и Аризона, ги отпишаа маските и таму никој не смее да ги присилува децата да носат маски во текот на наставата.

Во Тексас, на пример, слободата е уште поголема, па родителите можат сами да изберат дали нивното дете, кое било во контакт со други позитивни и на кое му се препорачува да седи дома 14 дена, навистина ќе седи дома или ќе продолжи да доаѓа во школо.

5. Дали делта-сојот менува нешто? – Не.

Истражувањата во САД покажале дека „делтата“ не им може ништо посебно на маските и дека не се пренесува повеќе од обичната корона. Па така, тестирањето на 44.000 вработени и ученици од едно училиште во текот на месец јули покажало дека само 1 од 1.000 бил позитивен на делта-сојот на корона, за разлика од лани кога имало дури 6 позитивни, а не постоеше делта-варијантата.

– Училиштата беа релативно безбедни места, дури и за време на екот на пандемијата. Не сакаме да кажеме никого да го чува своето дете дома од страв. Но, тие можат да бидат побезбедни со силни политики за маскирање и со употреба на тестирање – вели педијатарот Лин Силвер.

Повеќето експерти се согласуваат дека дури и со високо преносливата варијанта на делта на коронавирусот што кружи во земјата, училиштата треба да останат отворени.

6. Што ако детето настине? – Да се тестира!

Ако детето настине, неизбежно е да го тестираме, дали со ПЦР или брз антигенски тест. Не постои начин, барем засега, да се разликува обична настинка од симптоми на коронавирус. Но, тоа што е новина во истражувањата, е дека, доколку децата седат подолго време дома и изолирани од било какви контакти, децата можат повеќе да отколку во школо.

Уште една работа. Повеќето луѓе веројатно ги преферираат ПЦР-тестовите како поточни од брзите тестови. Тоа е точно, но доколку вашето дете веќе покажува видливи симптоми, тогаш антигенскиот тест ќе даде скоро 100 процентно точен резултат, бидејќи подобро функционира на луѓе со симптоми, а греши кај асимптоматските случаи.

Во САД, брзите антигенски тестови чинат од 20 до 25 евра, а се планира и владата да им помогне на школите со тоа што таа на државен трошок ќе им обезбеди вакви тестови за учениците.