ЦИРКУС ВО СОБРАНИЕТО Пратеници се бркаа за микрофонот, Џафери го повика обезбедувањето (ВИДЕО)

Вистински циркус се одвиваше попладнево во Собранието откако координаторот на пратеничката група на ВМРО-ДПМНЕ, Никола Мицевски, одби да се врати на своето место и упорно стоеше во близина на пратеничката на СДСМ, Даниела Маркоска, која доби збор за процедурално обраќање.

Собранискиот спикер Талат Џафери неколку пати го прозва Мицевски и го замоли да се врати на своето место, но неуспешно. На крајот, сепак, Џафери реши да го повика обезбедувањето.

За тоа време во собраниската сала се слушаше удирање по масите и свирежи со свирчиња од страна на пратениците на опозицијата.

Инаку, инцидентот се случи откако меѓу пратениците од власта и од опозицијата паднаа тешки обвинувања за тоа во чие време криминалот бил поголем а криминалците помногубројни.