Синдикатот на одбраната и безбедноста против кратење на платите на безбедносните структури

Синдикатот на одбраната и безбедноста (СОБ), грански синдикат при ССМ, не се согласува да се намалат платите на вработените во Министерството за одбрана, Центарот за управување со кризи и Дирекцијата за заштита и спасување.

– Мерките за надминување на здравствената криза, не смеат да се прекршуваат преку грбот на работникот, преку незаконско кратење на неговата плата, во овие моменти кога има покачување на цените на сите производи – велат од Синдикатот.

Оттаму бараат веднаш да се обезбедат и поделат заштитни маски и ракавици и средства за дезинфекција за сите вработени во овие институции.

– Синдикатот на одбрана и безбедност, како грански синдикат здружен во Сојузот на синдикатите на Македонија, неколкупати до Владата и надлежните министерства, достави предлог на итни мерки кои сметаме дека е потребно да бидат донесени од страна на Владата веднаш и без одлагање – велат од Синидкатот.