ЗАТОА ЛИ НЕ МОЖЕЛА ДА ОДБИЕ ДА СЕ КАНДИДИРА ЗА СКОПЈЕ? Манасиевски прашува дали Шукова дала стотици позитивни мислења за фотоволтаици за луѓе на СДСМ

Дали Каја Шукова не смеела да одбие да бидe кандидат за пораз, затоа што е директно вмешана во бизнисите со фотоволтаици на луѓе од власта, праша денеска Валентин Манасиевски, член на Централниот комитет на ВМРО-ДПМНЕ на прес конференција.

– Дали Каја Шукова како министер за животна средина има дадено стотици позитивни мислења за поставување на фотоволтаични централи низ Македонија, и дали поголемиот дел од истите тие фотоволатични централи се на луѓе блиски до СДС? Дали Каја Шукова е вмешана во давањето мислење за поставување фотоволтаична централа на браќата на Венко Филипче и на Зоран Заев во Дојран? Дали поврзаноста со бизнисите на Заеви и Филипче, всушност е и причината поради која таа е врзана во кругот во СДС од кој не може да излезе? Дали Каја Шукова поради ова свое минато со Заев и со Филипче немала избор како Мишко Ралев кој ја одбил понудата да биде кандидат на СДС за Скопје? – праша Манасиевски.

Тој вели дека кадрите на СДСМ имаат силни врски со минатото и со бизнисите на Заев и на Филипче. Манасиевски ѝ предвиде голем пораз на Шукова во Скопје на локалните избори.