Вучиќ се вакцинираше со кинеската „Синофарм“ (ВИДЕО)

Претседателот на Србија, Александар Вучиќ, пристигна во Рудна Глава, каде што беше вакциниран против вирусот ковид-19 во Здравствената станица на Здравствениот дом „Д-р Вероjуб Цакиќ“ Мајданпек.

Вучиќ ја прими кинеската вакцина „Синофарм“, а по пристигнувањето во Здравствениот дом му донесе цвеќе на медицинскиот персонал.

– Јас дури и не го чувствував тоа, д-р Анита има лесна рака – рече Вучиќ.

Како што вели, гледа дека има многу луѓе што чекаат да примат вакцини и дека е среќен што Рудна Глава и Мајданпек ќе имаат голем број вакцинирани.

Во Србија вчера пристигна нов контингент кинески вакцини од „Синофарм“. Контингентот од 500.000 дози беше пречекан на белградскиот аеродром „Никола Тесла“ од премиерката Ана Брнабиќ и кинескиот амбасадор Чен Бо.

Претходно, пристигнаа уште околу 106.000 дози од вакцината на „Фајзер“. Во Србија се користат четири вакцини: „Фајзер“, „Спутник V“, „АстраЗенека“ и „Синофарм“.