📽️ ВОЗИЛО СЕ ЗАБИ ВО АВТОБУСКА ПОСТОЈКА КАЈ БИТ ПАЗАР Делови од автомобилот се расфрлани по тротоарот
Од силината на ударот е оштетена и конструкцијата на автобуската постојка, а возилото подоцна било отстрането со шлеп-служба.
Сообраќајна несреќа предизвика внимание кај граѓаните во скопски Бит Пазар, откако патничко возило излетало од коловозот и завршило во автобуска постојка покрај улицата.
Од фотографиите од местото може да се види дека ударот бил силен. Предниот дел на автомобилот е значително оштетен, а возилото останало на тротоарот во близина на постојката.
Во судирот настрадала и автобуската постојка. Дел од конструкцијата е урнат, додека околу местото се забележуваат расфрлани остатоци од возилото и делови од оштетената постојка.
Автомобилот по незгодата бил отстранет со шлеп-служба.
Засега нема официјални информации што го предизвикало излетувањето на возилото од коловозот. Не е потврдено ниту дали има повредени во несреќата.
Се очекува надлежните служби со увидот да ги утврдат сите околности под кои дошло до несреќата.
Дополнителни информации за случајот се очекуваат од Министерството за внатрешни работи.