ЅВОНЧЕТО ПОВТОРНО ГИ ВОЗНЕМИРИ УЧЕНИЦИТЕ Дојава за поставени бомби во 21 средно и 18 основни училишта во Скопје
Од страна на полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите.
Утрово на електронските адреси на 21 средно и 18 основни училишта во Скопје е упатена закана дека во објектите е поставена бомба.
Од министерството за внатрешни работи за Плусинфо соопштија дека до 10 часот биле пристигнати вкупно 39 пријави во училиштата во Скопје.
Можеби ќе ве интересира
Оттаму нѐ информираа дека веднаш од страна на полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите.
Дојави за бомби вчера имаше во 21 средно и 11 основни училишта на подрачјето на Скопје, едно основно училиште во Прилеп и Основниот суд во Охрид. По спроведените проверки, МВР соопшти дека сите дојави се лажни.