ВОЛКОВО КАКО ВЕНЕЦИЈА Се молиме да не заврне, оти водата ни се враќа дома (ВИДЕО)
Нема асфалт, нема канализација, нема водовод, нема атмосферска канализација. А таму каде што има, шахтите се полни со вода, се молиме да не заврне затоа што водата ни се враќа дома, наведено е во фејсбук страницата „Ѓорче Петров“.
На Фејсбук страницата „Ѓорче Петров“ вечерва е објавено видео на кое се гледаат поплавените улици во скопската населба Волково, откако краткотраен пороен дожд го зафати овој дел на скопската општина Ѓорче Петров.
Можеби ќе ве интересира
„Живееме во 21 век, а во Волково нема што нема. Нема асфалт, нема канализација, нема водовод, нема атмосферска канализација. А таму каде што има, шахтите се полни со вода, се молиме да не заврне затоа што водата ни се враќа дома. Имаме пораки во инбокс за многу поплавени улици: Лука Геров, Мис Стон, Арсо Мицков, Рафаело Батино. Испратете ги сите, ќе го тагнеме градоначалникот Александар Наумоски“, наведедува страницата веднаш под видеото.