Во Владата ќе се вработува „масер“ со 16 години стаж да биде советник за 36.000 денари плата
Освен тие кои се образувале за да бидат професионални масери, во предвид ќе се земат и апликантите со економски и политички науки.
Отворено ново работно место во Владата, а за плата од над 36.000 денари апликантните треба да исполнуваат посебни услови, како работно искуство од најмалку 16 години.
Но, како што објави порталот Лидер, тоа не е ништо чудно доколку во огласот се бара од личноста што треба да се вработи да има завршено, верувале или не, кинезиологија. Освен тие кои се образувале за да бидат професионални масери, во предвид ќе се земат и апликантите со економски и политички науки.
За да биде појасно за што станува збор кинезилогоијата е наука за движење на човековото тело. Кинезиологија се фокусира на физиолошкиот развој, биомеханичкиот како и на психолошките и динамички принципи на механизмите на движење.
Се поставува прашањето, дали „строгите критериуми“, кои се наменски поставени, ќе послужат за вработување кадар кој однапред е одбран?
Во последно време се почето можат да се забележат вакви апсурдни огласи во државната и јавната администрација.
Последната беше објавена од Фондот за здравствено осигурување (ФЗОМ), кој на јавен оглас за вработување, бара советник кој ќе го советува директорот за административни работи, а услов е да има завршено ликовна уметност или организациски науки и управување.