Во сообраќајка почина 33-годишен жител на Удово
Едно лице го загуби животот, а три се повредени во тешка сообраќајна несреќа која рано утринава се случила на регионалниот пат село Јосифово – селоУдово, на место викано „Расадник“.
Можеби ќе ве интересира
Од МВР информираат дека во 03:30 часот полицијата добила пријава за случена несреќа во која учествувале „ауди“, со валандовски регистарски ознаки, управувано од Т.Г.(33) од Удово и „рено меган“, со валандовски регистарски ознаки, управувано од З.М.(43) од Удово.
„На местото на незгодата починал Т.Г., додека З.М. се здобил со тешки телесни повреди, констатирани во Медицински центар Гевгелија. Сопатниците во возилото „ауди“, С.П.(23) и И.Н.(23), двајцата од Удово, се здобиле со телесни повреди, констатирани во Здравствен дом Струмица“, велат од полицијата.