ВМРОВСКИ АДВОКАТ ПОДНЕСЕ ИНИЦИЈАТИВА ДО УСТАВЕН Апасиев посочи „виновник“ за повисоките плати на функционерите

Лидерот на Левица, Димитар Апасиев, на својот профил на Фејсбук попладнево објави дека адвокатот кој поднел приватна иницијатива до Уставен суд да се укинат законските ограничувања и функционерите да земаат високи плати, е човек близок на ВМРО-ДПМНЕ.

„Левица поднесе три закони за намалување на привилегиите на функционерите (патни трошоци на пратеници, плати на судии, апанажа) и куп иницијативи пред Уставен суд за измислени функции без уставен основ.

Пратениците на Левица се единствени со нула денари патни трошоци и трошоци за службен стан или службени патувања.

Ама, баце, Левица била крива шо Уставен суд донел одлука по иницијатива на некој вмровски адвокат – оти немала „соопштение“!?

Тоа е! Не е крив Заев шо го шитна името, крив е Апасиев шо паркира пред зграда.

Фала и кај вас. Борбата продолжува“, напиша Апасиев.